Послание Тарасия, святейшаго патриарха Константинополя, новаго Рима, к Адриану, папе древняго Рима
Святейшему и блаженнейшему брату и сослужителю, господину Адриану, папе древняго Рима, Тарасия милостию Божиею епископа Константинополя, новаго Рима, о Господе радоватися.
Многочестно и многообразно, от евангелистов, от апостолов и отцев, научаемся несребролюбивый нрав имети при посвящении во священство, и не взимати сребра или злата при поставлении всякаго священнаго мужа, как покажем в приложенных при сем выписках из Божественных изречений Писания и учений отцев. Ибо возлагающие руки суть служители Духа, а не продаятели Духа. Приемлющие туне благодать Духа, туне преподавати оную заимствующым от них, обязали приявшие сию свободу от слова Господня. Аще же кто обличен будет, яко купивший златом: таковаго объявляют изверженным от священнаго чина. Поелику, хотя он и получил священство по имени, однако слово не согласуется с делом. Никтоже бо может Богу работати и мамоне, как из евангелия научаемся (Мф.6,24). И поелику мы слышим Бога вопиющаго чрез пророка: священницы, глаголите в сердце Иерусалиму (Ис.40,2), и паки угрожающаго и глаголющаго: страж, аще увидит меч грядущ и не вострубит трубою, и людие не охранят себе, и нашед меч возмет от них душу, крове от руки стража взыщу (Иез.33,6): то мы, страшась осуждения за молчание, возвещаем всем предстоятелям наших церквей, дабы со дерзновением, словами Божественнаго апостола, могли мы рещи: чисты есмы от крове (Деян.20,26) преступающих повеленное правилами, и особенно рукоположивших или рукоположенных на мзде. Божественный апостол Петр, коего и престол наследовала братская ваша святыня, отвергнул таковых, яко Симона волхва. Посему мы не колеблемся возвещати истину, сохраняя и содержа преподанное нам в правилах святых апостол и славных отец наших, и, аще что из сих нарушили некие, от таковых отвращаемся. Братское ваше священнолепное архиерейство, исправляя законно и по воле Божией священноначальственную должность, стяжало громкую славу. Ибо великий и первый архиерей Христос Бог наш рек чрез пророка: живу Аз, токмо прославляющыя Мя прославлю (1Цар.2,30). Ведаешь, муж желаний духовных, что нечестивая ересь Македония, и его последователей духоборцев, менее нестерпима. Ибо сии пустословят, аки бы Святый Дух есть творение и раб Бога и Отца: а те, как мнится, делают Его своим рабом. Поелику всякий господин все, что имеет, аще восхощет, продает, раба ли, или иное что из стяжаний своих; такожде и покупающий, желая быти господином покупаемаго, ценою сребра приобретает оное. Таким образом творящие беззаконное сие дело уничтожают Духа Святаго, согрешая равно с теми, кои Богохульно говорили, аки бы Христос изгонял демонов о Веельзевуле, или справедливее рещи, уподобляются Иуде предателю, продавшему Христа Богоубийцам иудеям за цену сребра. Поелику же Дух Святый единосущен есть Христу Богу нашему: то для всякаго явно есть, яко и сии подвергнутся той же участи, как сие доказано. И аще не продается (ибо явно, яко отнюдь нет): то несомненно, яко нет в них благодати Святаго Духа, то есть святыни священства, и они не прияли и не имеют оной (1Кор.9). Ибо да воспомнут святаго Петра, который к покусившемуся на такую куплю глаголет тако: несть ти части, ни жребия в словеси сем (Деян.8,21). Ибо аще продается достоинство священства, то конечно излишни для них благочестивый образ жития и пребывание в чистоте и добродетели. Излишен для них и Павел, Божественный апостол, научающий, яко подобает епископу быти непорочну, целомудру, честну, учительну, воздержательну, трезвену, держащемуся истинному словесе, по учению, да силен будет и утешати во здравом учении, и противящыяся обличати (1Тим.3,2; Тит.1,9). Сие все становится ненужным, аще продается и покупается священство. Нижеследующыя святоизбранныя места показуют, яко тот вовсе чужд священства, кто когда либо дает или взимает мзду, в какое бы то ни было время, прежде ли рукоположения, или после рукоположения. Ибо взимати всегда есть взимати. А также воспрещают и все церковныя произвоства за даяние денег.
Правило 29 святых апостол: Аще кто епископ, или пресвитер, или диакон, деньгами сие достоинство получит: да будет извержен и он, и поставивший, и от общения совсем да отсечется, яко Симон волхв.
Из Деяний святых апостол: Видев же Симон, яко возложением рук апостольских дается Дух Святый, принес им сребро, глаголя: дадите и мне власть сию, да на него же аще положу руце, приимет Духа Святаго. Петр же рече к нему: сребро твое с тобою да будут в погибель, яко дар Божий непщевал еси сребром стяжати. Несть ти части ни жребия в словеси сем: ибо сердце твое несть право пред Богом. Покайся убо о злобе твоей сей, и молися Богу, аще убо отпустится ти помышление сердца твоего: в желчи бо горести и союзе неправды зрю тя суща (Деян.8,18-23).
Из третьей книги Царств: И не обратися Иеровоам от злобы своея, и возвратися, и сотвори от части единыя людей, жрецы высоких: иже хотяще, исполняше руку свою, и бываше жрец на высоких. И бысть глагол сей в прегрешение дому Иеровоамлю, и на испровержение, и на исчезновение от лица Земли (3Цар.13,33-34).
Из четвертыя книги Царств: И возвратися Нееман к Елисессею сам, и все ополчение его, и прииде, и ста пред ним, и рече: се ныне разумех, яко несть Бога во всей Земли, но токмо во Израили: и ныне приими благословление от раба твоего. И рече Елисей: жив Господь, Емуже предстах пред Ним, аще прииму. И понуждаше его взяти, и не послуша. И спустя немного: и рече Гиезий: отрочищ Елиссеев, се пощаде Господин мой Неемана Сириянина сего, еже не взяти от руки его, яже принесе; жив Господь, яко имам тещи в след его, и возму от него нечто. И тече Гиезий в след Нееманов. И немного ниже: и рече Нееман: возьми два таланта сребра, и взя два таланта сребра во два мешца, и две премены риз. И далее: и рече к нему Елисей: откуду пришел еси Гиезие? И рече Гиезий: не исходил раб твой никаможе. И рече к нему Елиссей: не ходило ли сердце мое с тобою? И видех, егда возвращашеся муж с колесницы своей в сретение тебе: и ныне взял еси сребро, да купиши за него вертограды, и винограды, и маслины, и овцы, и волы, и отроки и отроковицы. И проказа Нееманова да прильпнет к тебе, и к семени твоему во веки. И изыде от лица его прокажен, яко снег (4Цар.5,15-27).
Из толкования святаго Василия на Исайю: Закон дал Бог в помощь, да рекут: нет слова, как сие, за которое не можно дати даров. Сей закон не подобен глаголу чревовещателя. Поелику не изобретен, как сей, для обольщения, но есть учитель истины: притом таковые предвещают за сребро. И сие достойно смеха, яко обольщаемые платят им и сребро в награду за ложь. Глагол же закона не таков, чтобы за оный давати дары: ибо никто не продает благодати. Туне, глаголет, приясте, туне дадите (Мф.10,8). Видишь, как вознегодовал Петр на Симона, принесшаго сребро за благодать Духа. Сребро твое, глаголет он, с тобою да будет в погибель, яко непщевал еси дар Божий сребром стяжати (Деян.8,20). И так слово евангелия не есть подобно продаваемым глаголам чревовещателей. Ибо какое кто даст достойное возмездие за оное? Слыши Давида, недоумевающаго и глаголющаго: что воздам Господеви о всех, яже воздаде ми (Пс.115,3)? Посему невозможно дати за сие дары достойные подаваемыя тем благодати. Един дар достойный: соблюдение дарованнаго. Давший тебе сокровище требует не цены за данное, но достойнаго хранения даннаго.
Из его же послания к подчиненным ему епископам, правило 90: Мнят, когда берут не при рукоположении, после: взяти же, когда бы то ни было, есть взяти. Итак молю, оставите сей доход, или паче сей вход в геенну, и не делайте себя недостойными совершати священныя таинства, оскверняя руки свои таковым лихоиманием.
Из жития святаго Иоанна Зластоустаго: Приступил ко всем епископам виновник протяжения слова нашего, Евсевий, обвинитель шести прочих епископов, прося о принятии его в общение. Некоторые из епископов воспрекословили, яко не должно прияти его, яко клеветника. На сие он, умоляя говорил: поелику дело в продолжении двух лет большею частию изследовано, и дана отсрочка для свидетелей: то прошу ваше Боголюбие, да будет позволено мне представити свидетелей ныне, сего же часа. Ибо хотя и умер Антонин епископ, взявший злато и рукоположивший, однако остаются в живых давшие и рукоположенные. Присутствующий собор признал справедливым вступити в разсмотрение дела. И начинается разсмотрение дела чтением записи о том, что произведено прежде. Вошли свидетели, вошли и шесть давших и рукоположенных. Сии в начале не признавались: но как свидетели и из мирян и из пресвитеров, на которых они повидимому полагались, твердо стояли в своих показаниях, то они сперва отрекались, а когда свидетели обличали, приводя им на память места и времена, и сказуя виды данных вещей и количество: тогда совесть их возутилась, и они добровольно без многаго принуждения признались тако: признаемся, что дали, но мы думали, яко таков есть порядок, дабы нам освобожденным быти от общественныя службы. И ныне просим: аще не есть благочестно пребывати нам в служении церковном, то по крайней мере да получим злато, которое мы дали: ибо мы дали некия вещи жен наших. На сие Иоанн дал обещание собору: я освобожду их от светскаго суда упросив царя: вы же повелите им взяти то, что дали, от наследников Антонина. Собор повелел: злато взяти им от наследников Антонина, причащатися им внутри олтаря, но быти вне священства, дабы, аще простим сие, не вошел обычай иудейский, или египетский, яко вредитель и лжеименный патриарх иудейский каждый год или чрез год переменяет архисинагогов, для собирания сребра, подобно и его подражатель патриарх египетских иудеев, да исполнится пророческое слово: жрецы его на мзде отвещаваху, и пророцы его на сребре волхвоваху (Мих.3,11).
Из правил святых 630 отец в Халкидоне собравшихся: Аще который епископ за деньги рукоположение учинит, и непродаемую благодать обратит в продажу, и за деньги поставит епископа, или хорепископа, или пресвитера, или диакона, или инаго коего от числящихся в клире, или произведет за деньги во иконома, или екдика, или парамонария, или вообще в какую либо церковную должность, ради гнуснаго прибытка скоего: таковый быв обличен, яко на сие покусился, да будет подвержен лишению собственной степени: и посталенный им отнюдь да не пользуется купленным рукоположением, или производством: но да будет чужд достоинства, или должности, которыя получил за деньги. Аще же явится кто и посредствующим в толико гнусном и беззаконном мздоприятии: то и сей, аще есть из клира, да будет извержен со своей степени: аще же мирянин, или монашествующий, жа будет предан анафеме (Правило 2).
И окружного послания Геннадия святешаго архиепископа Константинопольскаго, и с ним собора: Итак да будет и есть отвержен, и всякаго священнаго достоинства и служени чужд, и подвержен проклятию анафемы, как мнящий стяжати оное священство за деньги, так и обещающий за деньги преподать оное, клирик ли то будет или мирянин, изобличен ли будет, или не изобличен в деле сем. Ибо невозможно придти когда либо в единение несоединимому, и мамоне согласитися с Богом, или служащим ей служити Богу. Господне есть и сие изречение непререкаемое: не можете Богу работати и мамоне (Мф.6,24).
Из правила святаго шестаго собора: Во епископы, или в какую бы то ни было степень клира поставляемых за деньги, а не по испытанию и избранию за образ жизни, повелеваем извергати, такожде и тех, коими они поставлены (Прав.22).
Услышим сие все, и внушим себе не токмо архиереи, но и счисляющиеся в клире, и все живущие по вселенней. Ибо подобает нам лишше внимати слышанным, да не когда отпадем (Евр.2,1). Яко не истленным златом или сребром искуплены мы от суетнаго, отцами преданнаго жития, но честною кровию, яко агнца непорочна и пречиста Христа (1Пет.1,18-19). Тако научай и нас, муж священнейший, последовати заповеданиям Писания, и евангелия, и апостолов, и священных правил и отцев. Взыди на высоту, возвыси глас твой в крепости, шествй в широте, проповедуй со дерзновением, да истребится в конец и да уничтожится рукоположение мздоимное, и все то, что, по сребролюбию и неправде и купле гнустокорыстной, сопутствует оному. Ибо когда оно и сродное оному изъято будет, от избраннаго народа, от имени Христова нареченнаго, и туне искупление получившаго: тогда все пороку сему споследующыя скверны искоренятся, и священники, яко Финикс процветут, вдыхая Христово благоухание спасаемым, и воспевая Церкви победную песнь: отъят Господь от тебе неправды твоя (Соф.3,15); еще же и пожинаем плоды услаждая и умножая оные в старости маститей, то есть, показуя наследниками блаженныя оныя и безсмертныя жизни.
